“HINDI ba nagte-text o tumatawag sa’yo si R- si Kuya Ram?” tanong ko kay Kuya Rick. Noong isang araw lang siya dumating kasama si Ate Faith. Isang linggo silang titigil sa Talisay Norte bago bumalik sa Japan.
“Hindi, Chay. Bakit? Hindi ba nagtetext sa’yo?”
Hindi ko naitago ang lungkot nang umiling sa tanong ni Kuya Rick. Nakapagtanong na rin ako kay Kuya Russel at nakailang beses na nga. Baka kako nakukulitan na siya kaya iba naman ang tinanong ko. Sila kasi ang mga kapatid ni Kuya Ram kaya umaasa akong nag-a-update ito sa dalawa. Ang hirap kasi, hindi ko man lang alam kung saan ito nakatira sa Maynila. Hindi rin naman sinasabi ni Tito Monching. Ewan kung totoong hindi alam ng tiyuhin ko dahil matagal na raw naputol ang ugnayan niya sa nanay ni Kuya Ram. Ang sabi pa nga ni Tito ay galit
