PINAGLIPAT-LIPAT ni Ram ang tingin sa amin ni Chay habang palapit sakay ng wheelchair. May pagdududa sa mga mata niya nang tingnan kami isa-isa. Siguradong nagtataka si Ram kung bakit ako sinampal ng nanny niya.
"Can someone tell me what I just saw?" Ram asked calmly.
Hindi ako sumagot. I shifted my eyes to Chay. That's something she had to explain and not me, pero aaminin kong kinakabahan ako sa isasagot niya. She could easily tell Ram the truth and voila. Kahit binantaan ko siyang walang maniniwala sa sasabihin niya, siguradong malaking problema ang sasabog sa mukha ko oras na marinig ng pamilya ko ang sumbong ni Chay.
"Chay," tawag sa kaniya ni Ram. Tumingin si Chay at nagbukas ng bibig, pero hindi rin agad nakapagsalita. Hindi niya maitago sa mukha ang pagkabalisa.
"What happen
