MACRESH
MABILIS nitong inilahad ang kamay niya na siyang ikinatingin ko sa paligid bago muling tumingin sa kamay niya.
Sobrang alangan akong kunin ang kamay niyang iyon pero wala akong nagawa nang maramdaman kong may tumulak sa akin at agad akong napahawak sa kamay ni Sir Miah.
Masama ang tingin kong nilingon si Kheil na siyang nasa likod ko kanina. Nakaiwas ang tingin nito habang sila Noah at Zeiah naman ay simpleng natatawa sa nangyari.
Wala na akong nagawa nang mas hawakan ni sir ang kamay ko sa mahigpit na paraan. Umayos na ako ng tayo at hinayaan na lang na maglakad na nakahawak sa kamay niya.
Hindi pa man din normal na hawak ang ginawa nito kung hindi pinagsiklop talaga niya ang kamay namin. Pati ang mga daliri namin ay magkadikit, ung tipong pati hangin ay mahihiyang dumaan sa
