“Nanay, kumusta ho?” Tanong ko kay nanay Belen nang pasukin ko siya sa kusina. Nagluluto din pala siya ng ibang putahe gaya ng menudo at chopsuey. Hindi nagluluto ng iisang putahe dito sa bahay ng magulang ni Liam. Tila ba palaging may handaan kahit wala namang okasyon.
“Oh, Alena, kasama ka pala ni William. Okay naman ako, anak. Kumusta ka?” Bati ni nanay Belen sa akin nang mapatingin siya.
Nanay ang tawag sa kanya nila Liam dahil siya ang pinakamatagal na kasambahay dito na kinagisnan nila Liam at mga kapatid nito. Nakwento rin sa akin noon ni Liam na dalaga pa lang si mama Ynez ay kasambahay na siya dito hanggang ngayon na tumanda na sila.
“Okay naman ho, nay.” pagsisinungaling ko. “Ang dami naman po yata ng niluluto?” I asked.
“Ah, may mga bisita kasing darating si Benedict pati na
