“Please, Alena. Hindi ko pa pinipirmahan ang annulment papers natin. Kinausap ko si papa. Ang sabi niya ikaw raw ang kausapin ko. Please, ayusin na natin ‘to. Magkita tayo.” Pangungulit sa akin ng ex-husband ko.
Hindi ako umimik. May parte sa akin na parang gusto kong bumalik at magpanibago dahil may pinagsamahan naman kami. Pero hindi ko makalimutan ang mga nangyari. Natatakot akong maulit na naman ang mga ganoong mga pangyayari. Nangangamba ako na baka iparamdam na naman niya sa akin na wala akong kwenta.
“Liam, tapos na tayo. Please, tama na. Hindi na ako babalik sayo.” I did my best to sound strong pero ang totoo ay sobrang nanghihina ako.
Huminga siya ng malalim. “Okay, ganito. Hindi ko muna isa-sign ang mga papers. Hihintayin ko ang totoong sagot mo. Sa ngayon, hindi pa tayo hiwal
