Olivia's POV
Natagpuan ko na lang ang sarili na panay ang cheers naming tatlo sa basong hawak na may lamang alak. Nagtatawanan pa kami na para bang mga baliw dahil sa palitan ng mga kalokohan at biruan namin ni Thea. Si Andrea naman ay natatawa na lang sa aming dalawa, buti nga at nakasasabay na ito sa amin kahit papaano.
"Laro tayo? Dare to be truth?" suhestiyon ni Thea saka itinaas ang baso sa ere hudyat na gusto nitong makipag-cheers. Itinaas ko ang hawak na baso para makipag-cheers din sa kanya. Pagkatapos ay nilingon namin si Andrea, wala yatang balak sumali ang bruha!
"C'mon, Andrea! Just give it a shot," enganyo ko sa kanya.
Kaagad nitong kinuha ang baso at itinaas sa ere. At sabay-sabay kaming sumigaw nang, "Cheers!"
Naunang ininom ni Thea ang laman ng baso nito kasunod ako,
