27. HAPPY.
SIX days ago....................
“Happy...” Nakaramdam si Yanna ng pagsundot sa bewang niya kaya napaigtad siya, pero hindi pa rin siya tuminag. “Uy, Happy...”
Nakayuko kasi siya sa armchair niya dahil inaantok siya. May biglaang faculty meeting ang Music teacher nila kaya wala siyang magawa.
“‘Wag kang maharot, inaantok ako,” saway niya kay TJ.
Oo, Happy ang tawag ni TJ sa kanya. Nahilig na rin kasi siya sa mani na ‘yon. Ang adik ba naman kasi ni TJ. Ang kuripot. Iyon lang tuloy ang kinukukot nila madalas.
Sa totoo lang, nakokornihan siya sa tawagan nila na ‘yon. Pero ewan ba niya, nahawa na lang siya bigla. Isang araw, Happy na rin ang tawag niya kay TJ.
Pero hindi niya ‘to tinatawag na Happy sa harap ni Kristoffer. Baka kasi kung ano ang isipin nu’n. Pero sa totoo la
