KABANATA 9:
LUMIPAS pa ang mga araw, hindi ko pa rin lubos na maisip ang mga sinabi ni Aling Magda. Hindi ko pala totoong mama ang itinuring ko ng magulang sa loob ng mahabang taon. Hindi tuloy maalis sa aking isipan ang hitsura ng babaeng nasa larawan. Maganda at kamukhang-kamukha ko. Mama ko nga talaga iyon, pero bakit hindi niya ako hinanap? Masama ba siyang ina para hindi ako hanapin?
Napailing na lamang ako dahil sa aking pinag-iisip. Alam kong mahal na mahal niya ako kaya hindi ko dapat isipin na pabaya siyang ina. Isa lang naman ang gusto ko ngayon, at iyon ay ang makita siya at makasama.
Bumuntong-hininga ako kapagkuwa'y tumayo mula sa aking kinauupuan. Naglakad na ako papasok ng bahay at ng nasa pinto na ay bigla akong nakarinig ng isang pamilyar na boses. Nang tingnan ko iyon
