KABANATA 17:
IYONG moment namin ni Lash ang hinding-hindi ko malilimutan sa buong buhay ko. Hindi ko ba alam pero parang in love na in love na talaga ako sa kaniya. Iyong mga tingin niya sa akin ay para akong pinapatay. Pero iyong tanong niya'y hindi ko nasagot dahil nga natatakot at nahihiya ako.
Sa gitna nang pagmumuni-muni sa kuwarto ko ay biglang bumukas ang pinto at nakita ko na lamang si Aling Ester na pumasok. Nakita ko ang malungkot niyang mukha.
"Ano pong nangyari?" tanong ko.
Umupo siya sa tabi ko at tiningnan ako. "Tamina, hindi na ako magtatagal sa bahay na ito. Kakatawag lang kasi ng anak ko at sinabi niyang namatay na raw ang tatay niya. Kailangan kong umuwi sa bahay para makita ko ang asawa ko. Pasensya na, Tamina dahil maiiwan kita kay Lash..."
Nagulat ako sa sinabi ni
