ISANG halik ang pinagsaluhan namin ni Vince bago ako sumakay sa kotse. Kahit anong pilit niya na sumabay ako sa kanya ay hindi ko pinayagan. Kahit hindi na big deal sa akin ang pagiging CEO niya sa TAC ay mananatili ako kung ano ang katungkulan ko sa kompanyang pinagtatrabahuhan ko. I’ll stick to my words. Gusto ko lang na walang magbago sa pakikitungo sa akin sa opisina.
Sinenyasan ko na si Billy. Agad naman itong tumango saka pinasibad na ang sasakyan. Ang usapan namin ni Vince ay ako ang dapat mauna sa TAC upang walang makaalam na iisang lugar lamang ang pinanggalingan naming dalawa. Tumunog ang mobile phone ko mula sa loob ng bag ka. Nang kunin ko ay pangalan ng asawa ko ang tumambad sa akin sa screen. I smiled. Hinayaan ko munang tumunog iyon ng ilang segundo bago ko sinagot.
“Aali
