AALIYAH
MAAGA akong gumising kinabukasan. Tama na ang isang araw na pagliban ko sa trabaho dahil tiyak na pagtatakhan na ng mga kasama ko sa departamento lalo na si Miss Yna. Hindi na ako nag-abala pa na gisingin si Vince na himbing na himbing pang natutulog. Maingat lang akong gumalaw upang hindi ako makalikha ng kahit na anong ingay. Sa huli ay matagumpay akong nakapaghanda ng hindi siya nagigising.
“Oh, Aaliyah, gising ka na pala,” bati ni mama na namataan akong pababa ng hagdan. “Si Vince, tulog pa ba?” Biglang lumitaw si papa at mga kapatid kong nakasuot na ng uniform. Sabay-sabay nila akong nginitian.
“Tulog pa po. Hindi ko na po muna ginising dahil kailangan kong pumasok ng maaga sa opisina. Alam ninyo naman po si Miss Yna, hindi iyon mapapakali na hindi ako nakikita. Paano po,
