Mag – iisang oras na rin na nasa parking lot lang si Lorenzo ng opisina ni Elaina. Mula sa glass window ay nakita niya itong busy sa pakikipag – usap sa telepono. Tapos ay matutulala ito at hahawak sa tiyan. Naisip niyang siguro nga she is having a hard time conceiving and she cannot make it by herself lalo na nga at alam niya ay wala naman itong ibang pamilya.
Nakita niya itong tumayo at tinungo ang banyo. Doon na siya lumabas sa kotse at pumasok sa loob ng opisina ng babae. Alam niyang mag – isa lamang ito doon dahil nakita niyang umalis ang assistant nito.
Iginala niya ang paningin sa loob ng opisina ng nito. Maliit lamang iyon na sakto lamang para sa dalawa hanggang tatlong kataong staff at isang lugar para sa receiving ng mga clients. Naroon ang ilang mga malalaking pictures ng mga
