Napatingin si Elaina sa bedside table niya at tumingin siya sa relo. Siniguro pa niya kung tama ba ang nakikita niya dahil mag a – ala una na ng madaling araw ang oras na nakikita niya. Kaya nagtataka siya kung sino ang nagdo – doorbell sa gate ng bahay niya. Tapos ay kinakalampag pa iyon.
Tinungo niya ang pinto at sinilip niya kung sino ang naroon. May naaninag siyang lalaki na nakatayo at kinakalampag ang gate niya. Napasimangot siya ng makita ang kotse na nakaparada sa harap ng bahay. Kilala na niya kung sino ang walang konsensiyang nambubulahaw sa kanya.
Parang nagma – martsang pinuntahan ni Elaina ang gate at tumayo doon. Wala siyang balak na papasukin ang lalaking ito.
"Nambubulahaw ka. Nakakahiya sa mga kapitbahay ko. Madaling araw na. Umuwi ka na," sabi niya kay Lorenzo ng makit
