MAAGA akong nagising dahil na rin sa pagkulo ng aking tiyan. Bumangon na ako at may naamoy akong pagkain, kaya lalong nag-alburuto ang aking tiyan. Kinuha ko ang towel at nag-aasikaso na ako.
“Napaaga ka yata ng gising, Isla. Hindi ka kumain kagabi. Kumain ka muna bago pumasok, baka ikaw naman ang magkasakit at mahawa sa boyfriend mo.” sabi sa akin ni Mama at tumango ako sa kanya.
“Opo, Ma. Maliligo na po muna ako.” sabi ko sa kanya at pumasok na sa banyo. Naging mabilis ang aking pagligo hanggang lumabas na rin ako.
Naging mabilis ang aking pagkilos, nagbihis na rin ako ng aking uniform. Gusto ko agad makita si Mister Ryde para malaman kung anong lagay and sasabihin ko rin sa kanya na gusto siyang makilala ni Mama. Pagkatapos kong mag-ayos ay kumain na rin ako, nakita ko na rin ang
