NAIKAGAT ko na lamang ang aking ibabang labi habang papunta sa building ng mga empleyado. Hindi pa rin mawala sa isipan ko ang nangyari kanina, iyong pagtawag ni Mister Ryde sa Cafe namin.
“Isla, ayos ka lang ba? Iniisip mo pa rin ba iyong pagtawag ni Sir Ryde kanina?”
Napatingin ako kay Mia nang tanungin niya iyon sa akin. Tumango ako sa kanya. Hindi naman ako pwedeng magsinungaling kay Mia. “Pabayaan mo na iyon, Isla. Huwag mo na lamang intindihin iyon. Tara na kain na tayo.” saad niya sa akin kaya ngumiti na lamang ako kay Mia.
Pagkarating namin sa locker room ay kinuha ko na agad ang aking baon, lumabas na rin kami at pumunta sa may cafeteria namin. Doon namin naabutan sina Chloe, Penelope and Zoe. Lumapit na kami roon at umupo na rin. Katulad ng dati ay nakinig lamang ako sa pin
