CHAPTER 11
Kinagabihan ay mas pinili ni Beatrice ang magkulong na lamang sa kanyang sariling silid.
Kaninang umaga pagkalabas niya mula sa opisina ng kanyang kapatid ay agad niyang kinuha ang kanyang mga gamit at mas pinili na lamang ang umalis ng OMC. Alam niyang hindi rin naman na siya makakapagtrabaho nang maayos kung sakaling mananatili pa siya sa kompanya.
Beatrice spent her times strolling at the mall. Kahit pa ilang beses siyang nakatanggap ng tawag mula sa kanyang Kuya Jake ay hindi niya iyon sinagot kanina. Masama ang loob niya dito dahil sa mga ginawa nito. Sadyang hindi niya matanggap ang pasyang ginawa nito para sa kanya.
Matapos manatili ng halos maghapon sa mall ay nagpasya nang umuwi si Beatrice. At mula kaninang pagkauwi niya sa kanilang bahay ay hindi pa muling lumabas
