Dumating na ang takdang araw ng unang acquaintance fest sa Rampage University. Dinig ko ang magandang tugtugin na pinapatugtog ng aming disc jockey attendee sa aming audio room. Pasado alas otso iyon ng umaga, at heto nga’t abala na ang lahat habang nasa ground at naghahanda ng mga tent at mga pakulo ng iba’t-ibang club. Nakausap ko na ang siyam na lalaking gaganap sa kissing booth, ngunit may isa pang hindi ko nasasabihan—and it was Wayne. Naging passive na siya sa akin these past few days, masaya na rin ako na ganoon ang treatment namin with each other. Naging mailap na rin kasi ako sa mga kakilala ko dati.
Napabuntong-hininga ako sa oras na iyon at tinahak ang office ng aming sorority. Nakita ko ulit si Pia doon na abala sa paglagay ng give aways, props at mga abubot sa isang karton.
