Nang makapasok kami sa may corridor ng university ay nakita namin ang ibang clubs, nandoon ang theatre club kung saan may play for a cause sila. Nakapila ang mga estudyante para makapanood ng kanilang play.
“Halika, doon tayo…” hila ni Wayne sa kamay ko. Mabilis niyang tinungo ang pila at doo’y nagbayad ng ticket.
“Sure ka ba rito?” ani ko saka tiningnan ang mga mukha ng nakasunod sa amin. Panay tingin kasi ang mga ito sa amin.
“Anong tinitingin-tingin n’yo riyan?” pagmiminaldita ko pa, sabay irap sa kanila. Bahagyang lumayo sila sa amin at doon nga’y agad na nakapasok sa loob.
“Hindi ka pa rin nagbabago, Triz. Tigasin ka pa rin,” puna ni Wayne sa akin na noo’y inaalalayan ako na makapasok sa unang lane ng bleachers. Medyo madilim ang theatre since naka-dimlight ang ilaw doon.
“Ayoko
