"Parang puputok 'tong tiyan ko sa sobrang kabusugan," wika ni Hope habang hinahaplos nito ang tiyan nito.
Paano ba naman kasi pinilit nitong ubusin ang lahat ng in-order nito kanina dahil baka raw magalit siya kapag hindi nito inubos ang mga 'yon.
Puputok na ang tiyan nito pero nagawa pa nitong mag-take out ng ilang putahe dahil kakain daw ulit ito pag-uwi nila sa bahay niya.
"Puputok na pero may baon-baon ka pa," sita niya. "Ang lakas mong kumain. Hindi ko akalain na mauubos mo ang lahat ng 'yon. Pati yata tinik kinain mo, eh."
"Sobrang sarap po kasi, eh. Sayang nga dahil hindi mo man lang tinikman, eh. Ang arte niyo po kasi samantalang si Sir Nicholai hindi mapili sa pagkain." Nang samaan niya ito ng tingin ay napasenyas ito ng peace. "'Wag po kayong mag-alala dahil mas pogi naman
