"Sir Kazimir, gising pa po ba kayo?" narinig niyang tanong ni Hope habang kumakatok ito sa labas ng kuwarto niya. "Magparamdam po kayo kung gising pa po kayo," dagdag pa nito kaya naman wala siyang choice kung hindi pagbuksan ito dahil siguradong hindi rin naman siya nito patatahimikin.
"Bakit?" tinatamad niyang tanong nang pagbuksan niya ito ng pinto. "Ano ba'ng kailangan mo? Hindi ba dapat natutulog ka na dahil gabing-gabi na?"
"P'wede po ba akong uminom ngayon kasama si Sir Nicholai?" paalam nito sa kan'ya habang matamis itong nakangiti.
Ang akala siguro nito ay madadala siya nito sa pangiti-ngiti lang.
"Ano'ng iinumin niyo?"
"Alak po, kasi kung tubig ang iinumin namin, eh, 'di sana hindi ko na po kayo kinatok," pilosopo nitong sagot kaya umigkas ang isang kilay niya.
"Hindi puw
