"Sir Kazimir, tapos na ba talaga ang bakasyon natin? Ayoko pa po kasing bumalik sa trabaho, eh. P'wede po bang kayo na lang ang magtrabaho tapos dito na lang ako sa bahay niyo? 'Wag po kayong mag-alala dahil sisiguraduhin ko po na sa tuwing uuwi kayo rito sa bahay niyo ay may masarap pong pagkain na nakahain sa lamesa niyo."
Napahinto siya sa pagtangkang pagpasok sa loob ng banyo niya dahil bigla na lamang binuksan ni Hope ang pinto ng kuwarto niya.
Kung nagkataon na nakahubad siya ay siguradong nakita na nito ang lahat ng itinatago niya.
"Sige na po, Sir Kazimir. Ayaw ko na po kasing makita 'yong ibang mga empleyado niyo na ang tataas ng tingin sa sarili, eh. Akala mo naman sila lang ang maganda," pagpapatuloy nito at inumpisahan na ayusin ang kama niya. "Lahat po ng gawain dito ay ako
