Kanina pa siya nakatayo dito sa terrace at lihim na pinapanood si Hope habang nagwawalis ito sa harapan ng bahay niya.
Palinga-linga ito sa paligid na tila may gagawin na namang kakaiba.
"Ano'ng ginagawa mo rito, Dude?" Hindi niya nilingon si Samaniego dahil hindi niya inaalis ang mga mata niya sa sekretarya niya.
Balak niya kasi itong video-han kapag may ginawa itong hakbang na kakaiba para may maipakita siya sa mommy niya.
Sigurado kasi siya na kahit mapaos siya sa kakakuwento ay hinding-hindi siya nito paniniwalaan dahil mas malala pa iyon kay Samaniego na gandang-ganda sa sekretarya niya.
"Dude, ano bang ginagawa mo rito? Mamaya niyan makasanayan mo na 'yang pagmasid-masid mo kay Hope hanggang sa ma-inlove ka na talaga."
Iniisip na lang niya na ibang tao ang kausap ni Samanie
