"Masakit pa rin ba ang paa mo?" malumanay na tanong ni Kazimir sa kaniya. Halatang nag-aalala ito ng kaunti base sa nakikita niya. "Hindi mo ba kayang maglakad?"
Siguro karma niya 'to dahil sa mga pinaggagawa niya sa lalaking kaharap niya.
"Medyo. Kailangan ko lang sigurong magpahinga."
Tumango ito. "Lalabas muna ako. Bibili ako ng pagkain natin para may makain tayo."
"Ba't bibili ka pa?" tanong niya.
"Eh, ano'ng gagawin natin? Iinom lang tayo ng tubig?" masungit nitong tanong. Mahahalikan niya talaga ito ng wala sa oras sa sobrang kasungitan nito. "Kita mo nang walang magluluto, eh. Hindi ko makontak si Mang Isko kaya kung hindi ako bibili, wala tayong kakainin ngayon."
"Ba't kasi hindi ka marunong magluto? Maging tatay ka na lahat-lahat hindi ka pa rin marunong magluto. Imbes na m
