"Tanggapin mo na. Malaking tulong sa pasukan ang masasahod mo roon." Iyon ang eksaktong kataga na sinabi ni Andeng sa tanong ko sa kanya. Ngayong nandito na ako't abala sa trabaho'y paulit-ulit iyong nag-e-echo sa pandinig ko.
"Anais, gusto ka raw makausap ni Seniorito Storm." Pukaw ni Tata Simo sa akin habang nakakulong ang diwa ko sa malalim na pag-iisip. "Anais!" muling tawag ni Tata Simo na sinamahan na rin n'ya nang pagtapik sa balikat ko. Saka lang ako parang natauhan.
Masunurin nga. Sa oras na nga ng trabaho gustong makipag-usap. Huminga muna ako nang malalim. Saka binitiwan ang hawak kong panghukay, nagpagpag ng kamay, saka naglakad patungo sa silong. Nagkukulay ang dalawang bata... sa sahig ng papag. Paano na lang ba na kulayan nila iyong coloring book nila at hindi iyong sahi
