Nang gabing iyon ay payapa naman ang naging tulog niya, nakontento naman ang lalaki sa pahalik at payakap lang sa kanya. Kahit paano naman ay napayapa ang kanyang isip dahil doon. Parang pinatunayan lang nito na kahit balahura ang bunganga nito ay may respeto parin naman pala sa kanya. Nakapuntos ang lalaki dahil doon, kaya lang nang magising siya ay wala na ang lalaki sa kanyang tabi. Tanging ang amoy nalang nito ang naiwan sa kanyang tabi.
Di man lang niya namalayan na nakalabas na pala ang lalaki sa kanilang silid, gayunpaman ay di naman obligado ang lalaki na magpaalam sa kanya, bago pumunta sa kung saanman nito naisin na pumunta. Alam naman niya ang boundaries ng kanilang kasalukuyang sitwasyon, hanggat walang label ay wala siyang karapatan na mag demand ng kung ano dito lalo na ang
