Punong puno ng pagkain ang pinggan na dinala ni Dos sa kanya, pero dahil sa gutom niya ay tiyak niyang kayang kaya niyang itaob ang pinggan na iyon. Pawang masasarap ang mga inilagay ng lalaki sa kanyang pinggan. Akmang susubo na siya nang may isa pang pinggan ang lumitaw sa gilid niya, napaangat siya ng tingin sa nagbigay sa kanya. It's non other than Jhai, may dala itong mga pagkain na mukhang para sa kanya, kung sa ibang pagkakataon siguro ay kikiligin siya, pero ngayon ay walang ganun.
Bumabalik sa kanya ang mga naging pagtatalo nila kanina, yung pagsabi sa kanya ng lalaki na di siya nito girlfriend. Kaya di niya ma gets kung bakit ito nandito sa harap niya at may dala pang pagkain. Sumama ang loob niya dito kahit na alam naman niyang gumanti lang ito sa kanyang mga sinabi kanina.
