"Uncle Dax!" Tawag ko kay Dax paglabas ko ng bahay. Papasok na ako sa school kaya ihahatid na niya ako. Nangunot ang noo niya sa tawag ko sa kanya. Uncle Dax naman kasi talaga ang tawag namin sa kanya noon ni Cohen pero nung mag college kami ay tinuruan niya kami na Dax na lang ang itawag sa kanya. Ayaw daw kasi niyang tinatawag siyang Uncle dahil nagmumukha siyang old at isa pa ay hindi naman daw talaga namin siya Uncle. Hanggang sa nasanay kami ni Cohen na Dax lang ang itawag sa kanya. Pero si Mavy at Caden ay Uncle pa rin ang tawag sa kanya.
"Uncle?" Baritono niyang sabi.
Hindi ko siya sinagot at diretsong naglakad papunta sa garahe. Sumunod naman siya sa akin. Agad akong pumasok sa kotse pagdating ko sa garahe.
"Hey, what's that Uncle for? Sabi ko ayoko ng ganung tawag diba?" May di
