Pagkadating ko sa kuwarto ay diretso akong pumasok sa loob ng bathroom at nilinis ang sarili ko sa pamamagitan ng pagligo. Nanginginig pa rin ako at umiiyak habang sinasabon ang katawan ko sa ilalim ng nakabuhay na shower.
Gusto kong magalit pero hindi ko magawa dahil wala akong lakas para magalit; wala akong kakayahan, ang tangi ko lang magawa ay ang umiyak para ilabas ang hinanakit sa dibdib ko.
Kailan ba ako makakawala sa impyernong ito? Makakawala pa ba ako o hindi na? Malamang hindi na, dito na ako mamamatay dahil wala nang pag-asa pa para makatakas ako, ni wala nga akong pamilya para maghanap sa akin. Ito na nga yata ang magiging kapalaran ko sa buong buhay ko, ang magdusa sa kamay ng mga mapang-abusong lalaki.
Nang matapos ako sa pagligo ay nagbihis lang ako ng isang simpleng dre
