HINATID nga ako ni Deo sa school at pinagbuksan pa ng sasakyan pagdating ng university. Halos lahat ng tingin ng mga estudyante ay napunta sa amin, o tamang sabihin kay Deo. Pakiramdam ko tuloy ay nagsama ako ng isang sikat na celebrity sa school, pero oo nga pala, parang celebrity rin pala ang boyfriend ko dahil isa nga palang famous CEO sa bansa.
Gusto pa nga sana akong ihatid ni Deo hanggang sa classroom ko pero umayaw ako, dahil nakakaagaw na kami ng atensyon sa buong campus dahil lang sa kanya.
“Grabe ka talaga, Trine, trending na trending ang pagpunta ng boyfriend mo rito sa university! Omg, ngayon ay naniniwala na talaga ako na boyfriend mo nga ang isang Hideo Mikalov,” ani Tyra habang nakatingin sa phone nito.
Narito na kami ng mga friends ko sa canteen dahil break time na. Bin
