Trine's Point of View
PARANG ayaw ko nang bumangon nang magising, sobrang bigat ng pakiramdam ko at parang gusto ko na lang matulog ulit; ramdam ko ang pagod ng katawan ko. Napakapa pa ako sa tabi ko, pero napasimangot na lang ako nang wala na akong makapa maliban sa unan at makitang wala na akong katabi, wala na si Deo.
Nang mapatingin ako sa orasan ay gulat akong napabangon bigla nang makita kung anong oras na, it's already 08:34 AM.
“s**t naman, oh. Siguradong late na naman ako nito!” nakasimangot kong reklamo at dali-dali nang bumaba ng kama. Pero sa pagmamadali ko ay muntik pa akong matumba dahil parang nanlambot ang mga tuhod ko.
Paano naman kasi, parang ayaw na akong tantanan ni Deo kagabi, paumaga na yata bago ako tinigilan. Ngayon tuloy ay tinanghali na naman ako ng gising. K
