I WAS CURIOUS, curious akong malaman kung totoo ba ang mga pinagsasabi ni Aless. Kaya naman kahit natatakot ako sa kanya at since ayaw din naman niya akong pababain, naisip kong sumama na lang tutal wala na rin naman akong choice kundi sumama.
Pero makalipas ang mahabang biyahe ay pumasok na ang kotse sa loob ng malawak na property. Nang mapatingin ako sa labas ay agad na kumunot ang noo ko nang makita ang malaking mansyon ni Aless na pinagdalhan sa akin kahapon.
“Teka, anong gagawin natin dito? Akala ko ba sa transaction na sinasabi mo tayo pupunta?”
“Tsk. Mamaya pa 'yun sa hatinggabi, kailangan ko munang matulog saglit,” asik na sagot sa akin ni Aless bago ito bumaba at iniwan ako sa loob ng sasakyan.
Akala ko ay pagbubuksan pa ako nito ng pinto, pero hindi, dahil pagkababa ay umalis
