Habang kumakain kami ay halos hindi ko malulon ang pagkaing nasa bibig ko, para kasing may nakabara sa lalamunan ko. Kumakabog ang dibdib ko dahil sa isiping mga kapatid ko sila at iisa ang ama namin.
Panay ang palihim kong sulyap kay papa habang narito kami sa hapag. Hindi ako makapaniwalang matapos ng maraming taon makikita ko siya ulit.
Naguluhan pa ako kanina sa ibig sabihin ni Ate Janice na hindi ako allowed. Pinalalayo pa niya si papa sa akin. Hanggang sa maalala ko ang ikinuwento sa akin ni Theo noong nakaraan. Papalit-palit nga rin pala ito ng babae. Kung alam lang ni Ate Janice ang totoo.
Kanina ay gutom ako at natakam pa sa mga pagkaing nakahain sa lamesa, ngunit ngayon parang hindi ko na maramdaman iyon.
Sinulyapan ko sina Ate Janice at Prima pero tutok sila sa sariling pagk
