Ang bango naman ng kwarto ng lalaking ‘to!
Habang naglalakad ako palapit sa study table ni Jared ay hindi ko mapigilan na bigyan ng pansin ang amoy ng kwarto niya. Pasimpleng iginala ko pa ang mga mata ko sa paligid para tingnan kung may diffuser ba sa kwarto niya pero wala akong nakita. Siguro ay sadyang malinis lang siya sa kwarto kaya wala man lang akong naaamoy kahit na amoy ng sigarilyo doon. Ang kwarto kasi ng Kuya Larwin ko ay kahit malinis ay amoy sigarilyo minsan!
Ang kwarto ni Jared ay amoy malinis at mukhang malinis talaga siya sa kwarto dahil wala man lang kalat na makikita kahit sa ibabaw ng study table niya. Sabagay ay sa itsura niya pa lang ay mahahalata na iyon.
Nang muling napatingin ako sa gawi ng kama niya ay mukhang busy na siya sa kung anong ginagawa sa laptop. Sery
