Mataas na ang sikat ng araw ng magising s ako. Napabalikwas pa ako ng bangon ng maisip kong late na ako sa trabaho pero muli din akong napahiga ng maalala kong off ko nga pala ngayon. Parang pinupukpok ang ulo ko pero saglit akong napatingin sa paligid ko. Dito na pala ako nakatulog sa sofa sa sala. Napansin kong iba na rin ang suot kong damit. Napahinga ako ng malalim. Malamang si Manang Nora ang nag – asikaso sa akin. Parang nanay ko na iyon. Sa tuwing maysakit ako noon siya ang nag – aasikaso sa akin.
Napatingin ako sa mesa at nakita ko roon ang isang baso ng tubig at isang tablet ng aspirin.
Naupo ako at sinapo ko ang namimigat kong ulo. Napapangiwi ako dahil talagang parang may batong nakapatong sa ulo ko. Gusto kong magsisi kung bakit nagpakalasing ako ng todo kagabi.
