Nang makapasok kami sa mansyon ay maingat na inupo kami nina Glacier sa sofa ni Con at pasamantala na ginamot ang aming mga sugat habang hindi pa dumadating sa mansyon sina Tita Naomi.
"Sigurado ba kayo na iintayin natin sina Tita Naomi?" Nag-aalalang sambit ni Glacier nang makita kung gaano kalalim ang pagkakagat ng ferrir sa aking mga balikat.
"Masyado ng abala sina Tita Heal at matataranta lang siya kapag nakita niya ang mismong kalagayan ng kanyang anak." Paliwanag naman ni Ate Minao.
Walang nagawa si Glacier kung ampatan muna ang aking mga sugat para patigilin ang mga ito sa patuloy na pagdurugo.
"Bakit nga pala hindi nagpakita sina Tita kanina ng lumulusob ang mga dark creatures?" Takang sabi ni Haze. "Wala niisa sa kanila ang nakatulong sa atin kanina."
"Oo nga no?" Takang pags
