*Booom!*
Pareho kami napatalsik sa malayo ni Zios dahil sa pagtanggap ng magkasabay na atake nina Aglia at Elena. Mukhang hindi nagbibiro silang dalawa ng balaan kami na hindi na sila magpipigil pa. Buong lakas nilang ibinibigay sa amin ngayon ang kanilang mga lakas. Kaya kahit si Zios na kasama ko na sa pagsasanay ay hindi ito kinakaya.
"Mga halimaw... Mga halimaw sila..." Naiiyak na sambit ni Zios na parang batang inaapi ng kanyang mga nakakatanda.
Buong pagmamayabang naman na ngumisi ang dalawa. "Hmm... Umaasa pa naman ako na ngayon nagpakita ang iyong mahika ay may pagbabago sa resulta ng ensayong ito." Biglang pagpaparinig ni Elena kay Zios. "Ngunit mahina pala siya para hindi man lang magawa na depensahan at protektahan ka mula sa aming mahika."
Halos umusok naman ang ilong ni Zi
