Agad ako nagmadali na masundan sina Tita Naomi patungo sa klinika ng akademya. Sa labas pa lang ay ramdam ko ang kalungkutan ng mga taong malalapit kay Principal Sentiene.
Alam ko na nabigla silang lahat sa biglang paghina ng principal. Wala sa kanila ang iniisip na may iniinda siya na malubhang lason sa katawan.
Nanginginig pa ang aking kamay na sinundan ang pinto ng klinika. Unang bumungad sa aking paningin ang malungkot na ekspresyon sa mukha ni mama habang kaharap sina Tita Naomi.
Marahil dahil wala siyang magawa para tulungan ang principal na maibsan ang sakit na nararamdaman nito sa oras na ito. Dahil hindi tumatalab ang healing magic ni mama sa kondisyon ng matanda.
"A-Anong nangyari kay Lolo Sen?" Nag-aalalang tanong ni Tita Naomi kay mama. "A—Ano ba ang kondisyon niya?!"
Hum
