Nabaling ang aming tingin ng padabog na umalis sa opisina si Tito Aidan. Mukhang ito pa ang magiging dahilan ngayon para magkaroon ng hindi pagkakasunduan sa pagitan nila ni Tita Naomi. Kaya nag-aalalang tinignan ko si Tita Naomi na ngayon ay tulala at hindi makausap ngayon nina Tita Caramel.
"This is my damn fault." Nagsisising sambit ko at namomoblemang napatakip ng kamay sa aking mukha.
Paano ko haharapin ngayon si Erah?
Ako ang naglagay sa delikadong sitwasyon sa kanyang kapatid.
"Cipher, please don't blame yourself." Pagsuporta sa akin ni Haze. "Malakas si Erol... Alam ko na hinding hindi siya agad magpapatalo sa ating mga kalaban."
Malakas na tumikhim si Tito Citron kaya nakuha nito ang aming atensyon. "Huwag kayo mag-alala. Hindi sasaktan ng mga kalaban si Erol." Kalmado at kam
