Patrick Cervantes
Napabuga ako ng hangin nang lumabas na si Athena ng opisina ko. Unang araw pa lang gumawa agad ng eksena. Kasalanan ko rin naman dahil pinagtripan ko siya.
Hindi naman ako takot mapag-usapan kami sa kompanya. Pasasaan ba't malalaman din ng mga tao na mag-asawa kami. Ika nga ng matatanda na walang sekretong hindi nabubunyag.
"Menchu, give me coffee." Utos ko kay Menchu mula sa intercom.
Mayamaya'y pumasok si Menchu na may dalang kape. Marahan niya itong ibinaba sa mesa ko.
"Napakaeskandalosa ng babae kanina, Sir, no? Hindi na nahiya. Kibago-bago pa niya sa kompanyang 'to. Kung ako sa inyo tinanggal ko na ang babaeng 'yun. Walang galang, e."
"Menchu, everybody deserve a second chance."
Pwede rin kaya magkaroon kami ng second chance ni Athena?
Ano ba 'tong naiisip ko
