CHAPTER TWENTY-TEACH ME HOW TO PAINT
“Where are we going?” kunot ang noong tanong nito. Wala pa rin kasi si Teacher hanggang sa araw na iyon dahil hindi pa rin nito natatapos ang importanteng bagay na inaasikaso nito kaya naisipan niya turuan itong mag-painting. Dinala niya ang ilan sa kanyang mga gamit sa pagpipinta noong umuwi siya sa kumbento kasi plano talaga niya na turuan ito at tamang tama naman na libre ito ngayong araw. “Why do you have to cover my eyes?” nilagyan kasi niya ng piring ang mata nito dahil gusto niya itong sorpresahin sa nadiscover niya.
“Basta,” wika niya habang hinihila ito paakyat sa rooftop ng bahay. Noong nakaraan nga lang niya nalaman na may rooftop pala ang bahay na ito. Kadalasan kasi sa may mga rooftop ay mga bahay na sementando pero ang bahay kasi ng mga
