“Alam ko na tanga ako sa sinabing kong iyon pero sa tingin niyo, tanga nga ba ako?” tanong ko sa mga kaibigan kong ka-video call ko. Buo kami dahil sinagot ni Kolt ang tawag ko.
“Hindi ka tanga, mars. Tangang-tanga lang,” natatawang sabi ni Kolt sa akin. Ipinaliwanag ko naman sa kanila ang balak ko. Na habang pinakikisabayan ko ang plano nina Eloise at Avi na makuha ang mamanahin ni Avi ay hindi naman ako basta uupo lang. Aaksyon ako para makuha ang loob ni Avi. Makikipaglaban ako. Makikipagsabayan o mas uungusan ko pa si Eloise. “Ganyan ka naman pati. Gagawa ng kamalditahan tapos ay makokonsensya. Nako, rank down ka na raw sabi ni Lucifer.”
Napairap ako dahil sa sinabi ni Kolt. Tao lang naman ako.
Hindi ako ganito. Hindi ako nakikipagkompetensya pero talagang sinubok ni Eloise ang pas
