Nagising ako nang may maramdaman akong kamay na humahaplos sa aking braso. Dumaing kaagad ako at kahit masama ang pakiramdam dahil sa alak ay itinulak ko siya papalayo. Iminulat ko na rin ang aking mga mata upang makita kung sino ba iyon.
Malabo man ang paningin ko ay nakikita ko si Eason. Alam ko na si Eason ang nasa ibabaw ko kaya’t muli ko itong tinulak.
“Eason…huwag mo akong hawakan.” Mahina man ang aking tinig ay mariin ang bawat salitang sinabi ko. Kahit lasing ako ay hindi ako papayag na mahawakan ako ng ibang lalaki.
“Piper, bibihisan lang kita—”
“Huwag mo akong hawakan sabi!” Tinulak ko siyang muli subalit wala akong sapat na lakas para tuluyan siyang mapalayo sa akin. Nanghihina pa rin ang aking katawan at pakiramdam ko ay hihilahin na naman ako ng kalasingan ko sa pagkakatul
