“Piper…” Tinangka niyang abutin ang kamay ko pero kaagad kong inilayo iyon sa kanya. Diretso akong nakatingin sa kanya na kasalukuyang nakatingin sa kamay niyang hindi ako nagawang mahawakan.
“Do you still need me to help you? Kasi kung hindi na…gusto ko nang tapusin ang paghihirap na ‘to sa ating dalawa. Maghiwalay na tayo, Avi.” Halos ibulong ko ang mga salitang iyon. Alam ko naman na hindi ko kaya pero ayoko ring manatili rito. Ayokong harap-harapan na akong ginagago ay naandito pa rin ako.
Nakita ko ang pag-angat ng tingin ni Avion sa akin. Malamig at blangko lamang naman akong nakatitig sa kanya.
“Akala ko, kaya kong makipagsabayan sa inyo ni Eloise pero naisip ko, I deserve better. Better than this marriage; a better love story. Kaya kung hindi mo na kailangang ng tulong ko dahil
