Nag-angat ako ng tingin sa mukha ng lalaki. Hindi niya ata napansin na napansin ko ang tattoo niyang nasa kamay niya. Para akong nanlamig at hindi makakilos. Naestatwa ako habang nakatitig lamang sa lalaki.
“Maui!”
Doon lamang akong napaiwas ng tingin sa lalaki upang tumingin sa mga kaibigan. Pilit akong ngumiti kahit na nanginginig ang katawan ko.
“B-Bakit?” Hindi ko mapigilan ang panginginig ko. Magkahalong takot, kaba, at pagkalito ang aking nararamdaman.
“Kanina ka pa namin tinatawag. Okay na iyan. Mamaya na lang ako kakain. Busog pa naman ako,” sabi ni Bellamy sa akin. She smiled at me, weakly. Pinanatili ko naman ang pilit kong ngiti at tumango bago bitawan ang mga lalagyan ng pagkain at lumapit sa kanila.
Muli kong nilingon ang lalaki at nagpaalam na naman ito kay Bellamy at
