“Good morning, Ma’am Piper. Breakfast na po,” bati sa akin ni Emma nang makita ako. Ngumiti ako sa kanya at binati rin siya. Naupo na ako sa dining chair at pinagsilbihan naman niya ako.
“Emma, si Avi?” tanong ko sa kanya nang mapansin na walang Avion ang naririto. Luminga-linga ako sa buong dining area upang hanapin pa siya.
“May kausap lang po, Ma’am. Pabalik na rin po siguro iyon—ayan na pala si Sir Avion.” Pagturo niya sa lalaking papasok ng dining area.
Nang maaninag ko si Avion na nakasimpleng linen shirt at shorts ay muli kong naramdaman ang paghiyaw ng aking puso. Napatulala ako at para bang inakyatan ng dugo ang aking pisngi at ramdam ko ang pag-init nito.
“Good morning,” bati niya sa akin at matipid na ngumiti bago maupo sa gitnang bahagi ng dining area, halos katabi ko.
“G
