Isang hapon ay sinadya ni Jada na puntahan ang mismong kinatatayuan ng bagong restaurant na kaniyang ide-design. Isang Italian restaurant iyon na nasa magandang lokasyon. Napapaligiran ito ng mga malalaking establishment at nagtataasang mga building.
"Kuya Dante, pakihintay na lang po ako rito, hindi naman ako magtatagal, kakausapin ko lang ang may-ari ng restaurant," bilin niya sa kaniyang kasama. Inihatid kasi siya ng kanilang company driver papunta sa lugar dahil sira ang kaniyang sasakyan, at kasalukuyan itong nasa repair shop.
"Sige, Ma'am. Doon ko po ipaparada ang sasakyan, dun niyo na lang din po ako puntahan," tugon naman ng driver, sabay turo sa malawak na parking lot na katapat lamang ng building na kanilang kinatitigilan.
Tinanaw ni Jada ang itinuro nito at saka tumango. "Si
