Halos labing limang minuto pa lang sa bar na iyon sina Jacob ay marami na agad nakilalang babae si Rupert. Natatawang, naiiling na lamang siya habang pinagmamasdan kung paano ito dumiskarte pagdating sa mga kababaihan.
Lagi itong wala sa lamesa nila kaya nasanay na siyang uminom na mag-isa.
"Can I join you?"
Napaangat ang ulo niya nang may marinig na nag-salita sa harapan niya. Nakangiting babae ang nasilayan ng kaniyang mga mata. Matangkad ito at slim ang pangangatawan, maganda ang babae at may pagka-seductive ang pananamit. Maiksi ang suot nitong palda at ang blusa ay may malalim na uka sa harapan.
Hindi niya malaman kung ano ang gagawin. Kung dapat nga ba niya itong hayaan na maki-share sa table niya na pandalawahan lang. Paano kung dumating si Rupert?
"Hey, Sam! It was nice to
