PARA akong binuhsan nang malamig na tubig nang makita ko si Sante sa harapan ko. Ni ang banggitin muli ang pangalan niya ay hindi ko nagawa.
Naghahalo ang gulat, takot, at galit. Ikinuyom ko ang kamay ko at sinasabi ko sa sarili ko na saktan ang lalaking nasa harapan ko. Ngunit bago pa makuha ng katawan ko ang mensahe, binigyan niya ako nang matamis na ngiti.
“Careful, Miss. You don’t want to get hurt.” Itinayo niya ako nang maayos at umaakto na akala mo ay hindi niya ako kilala o hindi niya ako tinawag na Amaryllis kanina.
Binitawan na niya ako ngunit ramdam ko ang higpit ng pagkakahawak niya sa akin kanina.
Move, Maxine.
Paulit-ulit ko iyong sinasabi sa sarili ko. Nang magawa kong gumalaw ay nilingon ko ang likod ko upang makita si Sante subalit nilamon na siya ng dami ng tao at hi
