'Mag-online ka Akiko, and go to our website! May livestream ng press conference ni Hunter.'
Paulit-ulit na binasa ni Akiko ang email sa kanya ni Jake. Natauhan lang siya nang biglang tumunog ang laptop niya hudyat na may tumatawag sa skype niya. In-ignore niya ito at nagtungo sa website ng H2B at agad ki-n-lick ang link na may nakalagay tungkol sa press conference.
Kasalukuyan niyang pinapanuod ang video at hindi maiwasang maawa sa itsura ni Hunter. Gulu-gulo ang buhok nito na may malaking eyebags na para bang isang linggo pa ng huli itong natulog. Nakaupo ito sa mahabang mesa na kulay puti na may nakapatong na maraming mikropono ng iba't-ibang istasyon ng t.v.
Katabi ni Hunter si Dani sa gilid at ang producer ng banda na si MD. May tumayo sa gilid ni Mrs. MD na staff din ng H2B. Sina
