"Ayos ka na ba?" tanong ni Zieke na inabutan ng tubig si Rhian.
Pilit na tumango ang dalaga at ngumiti sa kaniya, ngunit ang bakas ng kahapuan ay mababanaag pa rin sa kaniyang mukha "O-Oo, salamat. Pasensya na. H-Hindi ko din alam kung bakit bigla-bigla na lang akong nagkakaganoon."
Tiim na nakatingin sa kaniya si Zieke. Kumuyom ang kaniyang palad at iniisip niyang baka may sakit ito. "Kailan pa 'yan sumasakit? Gusto mo bang magpacheck-up sa doktor?"
Umiling si Rhian, "Noon, hindi naman, parang isa o dalawang beses lang sa isang taon, ngayon... medyo napapadalas. Nagsimula itong mapadalas nang... bumalik ata ang kapatid ko, dalawang buwan na ang nakakaraan. Nagpa-check up na din ako sa doktor."
"At anong sabi ng doktor sayo!?"
Nangunot ang noo ni Rhian. Ibinaba niya ang kaniyang bag n
